‘Omudipai ehe na onghenda’ a pewa eedula 27 modolongo… a denga kahewa kaye kopaihole nemanya komutwe fiyo omefyo… a kendabala okuxika olutu laye
Iuze Mukube Omupanguli a kula momhangu yopombada moWindhoek Prison Dinah Usiku okwa yandja eedula 27 dehandukilo ku Jakob Makatan eshi a monika ondjo moshibofa shedipao li nyanyalifa nolikumwifi shakahewa kaye kopaihole mo 2021. Makatan okwa monika ondjo eshi vati a dipaa kahewa kaye Christine Brander weedula 25. Omhangu oya holola kutya Makatan okwa denga Brander... The post ‘Omudipai ehe na onghenda’ a pewa eedula 27 modolongo… a denga kahewa kaye kopaihole nemanya komutwe fiyo omefyo… a kendabala okuxika olutu laye appeared first on New Era.
Black News 
Iuze Mukube
Omupanguli a kula momhangu yopombada moWindhoek Prison Dinah Usiku okwa yandja eedula 27 dehandukilo ku Jakob Makatan eshi a monika ondjo moshibofa shedipao li nyanyalifa nolikumwifi shakahewa kaye kopaihole mo 2021.
Makatan okwa monika ondjo eshi vati a dipaa kahewa kaye Christine Brander weedula 25. Omhangu oya holola kutya Makatan okwa denga Brander nemanya komutwe fiyo ta xulifa nokonima okwa kendabala okuxwika po olutu laye opo a holeke ouxwapindi waye.
Makatan na kahewa kaye ovali mohole oyo ya tumbulwa momhangu kutya oya li ya nyika omahepeko.
Pokati ko 19 Novemba no 20 Novemba 2020, opolifi oya li ya yandja olopota kutya Makatan ova li tava ende kolupadi nakahewa kaye kopaihole oo eli nakufya paife, va finda komukunda wedina Otjongue mo Aminus. Mondjila omo, Makatan vati okwa ponokela nakufya nomamanya ndele temu denge komutwe nomolutu, osho sha eta Brander a xulife.
Konima eshi a mana okudenga nakufya, okwe mu tomeka omundilo nelalakano opo olutu li pyepo.
Omhangu oya holola kutya efiku la shikula ko vati Makatan eshi a mona kutya olutu alishe ina li pwa okwa kokololela vali olutu laBrander moixwa eekilometa dishona okudja apa a ningila oshiningwanima oko vati eke mu holeka koshi yoixwa.
Omupanguli Usiku keedula o 27 dehandukilo edi apa Makatan okwa weda ko vali eedula natu molwaashi okwe li kufila oveta noku i tula meenyala daye mwene.
“ Ashike eedula nhatu edi da wedwa ko, otadi endele mumwe needeula 27 edi a pewa,” Omupanguli ta yelifa.
Makatan tete eshi opo a temeke okukala a holoka momhamgu ka li a moika ondjo moshibofa eshi, nokonima yefimbo eshi omakonakono opolifi a kaya lela moule okwa ka monika ondjo.
Uusiku okwa ti oibofa yoludi e li paife otai hapupala neenghono moshilongo, nomikalo dihapu ndele paife oya fa ashike oshiningile wina.
“Molwaashi oibofa e i paife otai hapupula ngaha, otwa hala ashike omangu i tameke okunanena eedula dehandukilo pamwe tashi hongolola ovanhu okuninga oikulumuna ya tya ngaha,” ta ti.
-taimihaihambo2000@gmail.com
The post ‘Omudipai ehe na onghenda’ a pewa eedula 27 modolongo… a denga kahewa kaye kopaihole nemanya komutwe fiyo omefyo… a kendabala okuxika olutu laye appeared first on New Era.
