Omwaalu weenauki novakongi vomikanda dokukala moshilongo owa ya pombada
Omwaalu weenauki novanhu tava kongo omikanda dokukala moshilongo owa ya pombada fiyo opo6 916 neudo, wa dja po6 582 momudo 2025, she likolelela kuminista woikwameni, omatembu neameno, Lucia Iipumbu. Iipumbu pefimbo loshipopiwa shaye shomutengenekwafaneko mOmutumba wOpashiwana Etine okwa holola kutya eenauki dihapu novanhu ovo tava kongo omikanda dokukala moshilongo ova dja koDemocratic Republic of Congo […] The post Omwaalu weenauki novakongi vomikanda dokukala moshilongo owa ya pombada appeared first on The Namibian.
Black News 
Omwaalu weenauki novanhu tava kongo omikanda dokukala moshilongo owa ya pombada fiyo opo6 916 neudo, wa dja po6 582 momudo 2025, she likolelela kuminista woikwameni, omatembu neameno, Lucia Iipumbu.
Iipumbu pefimbo loshipopiwa shaye shomutengenekwafaneko mOmutumba wOpashiwana Etine okwa holola kutya eenauki dihapu novanhu ovo tava kongo omikanda dokukala moshilongo ova dja koDemocratic Republic of Congo (DRC).
“Namibia paife okwa idilila ovanhu tava kongo omikanda dokukala moshilongo ve li 1 365 neenauki di li 5 551, aveshe kumwe ve li 6 916.
Omwaalu uhapu wovanhu ava owa dja koDemocratic Republic of Congo,” osho a ti ngaho.
Minista okwa lopota kutya ovakongi vomikanda dokukala moshilongo ve li 410 vape okwa li va shangifwa, ashike omulandu wokukonakona ngee oinima yavo aishe oi li ngaa kolutenda owa eta opo omaindilo ovanhu ve li 330 aha tambulwe omanga ovanhu ve li 59 oo ashike a tambulwa.
Pakuweda po, ovanhu va dja koCongo ve li 33 okwa li va shunifwa keumbo pahalo lavo pexulilo lomudo wa dja ko neyambidido lOmbelewa yOiwana Yangana yEenauki.
“Omaindilo e li 330 eenauki okwa li aanywa shaashi ovanhu inava hanga okwiifanwa eenauki, omanga ovakongi vomikanda dokukala moshilongo ve li 21 va teelelika va ka holoke komesho yewiliko lomatalululoindilo eenauki laNamibia,” osho a ti ngaho.
Natango, Iipumbu okwa popya kutya okwa li kwa yandjwa oumutwe ve li 682 keenauki.
Minista, manga ta yandje omutengekwafaneko woministili weebiliyona di li N$8.1, okwa popya yoo oinima ya fimana oyo oministili ya pondola pefimbo lomudo woshimaliwa 2025/2026.
Iipumbu okwa ti oministili oya yandja oumutwe voshilongo ve li 134 629, mwa kwatelwa omikanda dopashiwana di li 22 690, ongombinga yeenghendabala dopolohalama yokuyandja omayakulo keengudu dovanhu ovo tava mono oixuna, unene ngaa oshiwana shovayelele.
Oinima imwe ya tumbulwa omwa kwatela etoto leembelewa domayakulo oumutwe voshilongo kOmungwelume nokoKarasburg, okushangifa eedjapo domadalo di li 76 599 needjapo domafyo di li 18 388.
– NAMPA
The post Omwaalu weenauki novakongi vomikanda dokukala moshilongo owa ya pombada appeared first on The Namibian.
.png)
