Va nyumuna oshikunino shovadali vavo mEtunda 

 Teof i lus Shilongo pamwe namumwaina Paulina Salom ova kufa ko oshinakuwanifa shoku fila oshikunino shovadali vavo oshisho osho sha totelwe po mo 2002 mEtunda moshitukulwa sha Musati. 

Shilongo okwa ti konima eshi ovadali vavo va ka kala itava dulu vali oku wanifa po oilonga yomoshikunino, ova tokola opo va twikile nokulonga opo va dule okumona omboloto yakeshe fiku, noku fila eemhumbwe davo oshisho. 

Pokati opo, ovanafaalama ava ova kaya keefikola dopombada, oko Shikongo eke li hongela ouhongifikola koshiputudilo sha Internationa University of Management (IUM) mOngwediva. Ashike elihongo lavo ina li eta nande va pilamene oilonga yavo younapya. 

“Nonande twa ya omapoli a  yooloka molwa omaifano etu, eshi inashi topola ekwatafano letu osho yo elitule mo moilonga yetu  younafaalama,” ta ti. Shikongo ta hokolola kutya keshe efimbo eli va mono, ohava kendabla alushe oku kala va ya koshikunino opo veke shi longe shi ha fye po. 

“Nena oshikunino shetu oshi li osho shimwe shakula moikunino yakula monooli,” ta ti. 

Okwa twikila kutya ohava teya oihape noingumutula ya yooloka, oyo hava landifa moitukulwa ya yooloka monooli ngaashi Ohangwena, Omusati, nosho yo Oshana. 

Ohava landifa yo keefitola da yooloka nokehangano lo AMTA osho yo kovanangeshefa vomangeshefelo opedu. 

“Eshi nee shaningifa ongeshefa yetu i kale ya yooloka ku dikwao osheshi kutya oingumutulu yetu ohai findikilwa ashike osha li shamuhongi kovalandi, fyee natango ohatu landifa lela kondado ili pedu,” ta ti. 

Shilongo okwa ti ongeshefa yavo natango oilile po okuyambula po eliko loshilongo noku tandavelifa efimano, nenghono dounamapya. 

Ashika nande ongaho kape na onghesfa ihena omashongo. Ovanafaalama ava ova yelifa kutya ohava kala va taalela omashongo omeva. 

“Efimbo lihapu ngeenge kuhe na omuloka wa wana, ohatu mono oixuna yokuxupifa oimeno yetu shaashi omutenya ohau kala uhapu, wo ohau xwaxwameke oshikukuta, unene pomafina oimeno ei hai kala i na omakota i naa kola natango,” ta ti. 

Okwa twikila kutya okulanda eembuto osho yo oushosho natango ohashi kala oupyakadi wakula kuvo shaashi oushosho ohau kala una ondilo. Ta ti haalushe hava kala veshii ngeenge eshi va kuna osho ngaho tava ka teya opo va dule okushunifa apa va kufa. 

Okwa ti okwa hala ongeshefa yavo i xume pombada opo va dule yo okukala hava landifile koitukulwa yokokule ngaashi Kunene, Erongo no ||Kharas. 

-taimihaihambo2000@gmail.com 

The post  Va nyumuna oshikunino shovadali vavo mEtunda  appeared first on New Era.