Namib Mills novanailonga vaye natango inava hanga etwokumwe
Ehangano lokulonga oikulya ledina Namib Mills inali dula okuhanga eudafanotwokumwe novanailonga valo ovo ve li mekangha, nande eenghundafana oda fa ngaa tadi ende nawa pakutala. Ovanailonga voNamib Mills, va kalelwa po kehangano lovanailonga ledina Revolutionary Transport and Manufacturing Union (Naretu), ova ti kutya inava dula okuhanga etwokumwe molwomatilifo taa di kehangano. “Otwa hala okuliumbatelwa ngaashi […] The post Namib Mills novanailonga vaye natango inava hanga etwokumwe appeared first on The Namibian.
Black News 
Ehangano lokulonga oikulya ledina Namib Mills inali dula okuhanga eudafanotwokumwe novanailonga valo ovo ve li mekangha, nande eenghundafana oda fa ngaa tadi ende nawa pakutala.
Ovanailonga voNamib Mills, va kalelwa po kehangano lovanailonga ledina Revolutionary Transport and Manufacturing Union (Naretu), ova ti kutya inava dula okuhanga etwokumwe molwomatilifo taa di kehangano.
“Otwa hala okuliumbatelwa ngaashi ovanhu.
Nande ngaa otwa hala okuya mo omo, ove tu tumina omukanda womatilifo tau ti kutya ovanailonga ovo ve li mekangha otava ka hokololifwa,” omukulunhu waNaretu Petersen Kambinda osho a lombwela oikundaneki ngaho Etitano.
Okwa ti opwa kala pu na eyokomesho lela konima yoyoongalele inhe pokati kehangano, ovanailonga nominista yoipambele yoilonga, Fillemon Immanuel.
“Ashike omaliumbato ehangano inaa yuka nomatilifo otaa ti ovanailonga otava twikile nekangha lavo moshivike oshitimuwoi,” Kambinda osho a ti ngaho.
Kambinda natango okwa endulula omapopyo aye kutya ekangha tali twikile koNamib Mills otali ka eta omumbwe yoikulya diva, shaashi ehangano ohali longo oikulya ngaashi oufila.
Namib Mills Etitano okwa ti kutya ota ka kufila ovanailonga onghatu shaashi inava landula omilandu dekangha.
“Pefimbo lekangha, ovanhu va mwe ova kufa ombinga moinima ihe li paveta oyo ya tauluka eeveta odo tadi wilike omakangha moNamibia.
Ova ninga omatilifo ndee peemhito dimwe ova ehameka nokuli ovanailonga vetu palutu,” omukulunhu wiliki Learni van Wyk osho a pitifa moikundaneki ngaho.
Ehangano ola ti kutya ola hanga omaudafano nehangano olo li lile po ovanailonga kombinga yeendjabi nokwa li le lilongekida okuya komesho.
Van Wyk okwa ti ekangha eli otali etwa kuNaretu, ta ti Naretu ota pula vali oinima imwe ya wedwa po inai kwatelwa meenghundafana deendjabi.
The post Namib Mills novanailonga vaye natango inava hanga etwokumwe appeared first on The Namibian.
