Epangelo otali kateke okuulika omunambelewa womauyelele
Minista womauyelele nomakwatafano opaungoba, Emma Theofelus, okwa ti omilandu dopaveta nomalongekido opambelewa oo taa kateke euliko lomunambelewa womauyelele. Okwa ti ei oimwe yomoinima oyo tai kateke etulomoilonga lokatendo komauyelele komudo 2022. Minista okwa yandja ouyelele kombinga yeuliko lomunambelewa akula womauyelele pefimbo leengundafana daye novanyanyangidi voikundaneki, omo kwa li a pulwa omapulo kombinga yeuliko lomunambelwa womauyelele […] The post Epangelo otali kateke okuulika omunambelewa womauyelele appeared first on The Namibian.
Black News 
Minista womauyelele nomakwatafano opaungoba, Emma Theofelus, okwa ti omilandu dopaveta nomalongekido opambelewa oo taa kateke euliko lomunambelewa womauyelele.
Okwa ti ei oimwe yomoinima oyo tai kateke etulomoilonga lokatendo komauyelele komudo 2022.
Minista okwa yandja ouyelele kombinga yeuliko lomunambelewa akula womauyelele pefimbo leengundafana daye novanyanyangidi voikundaneki, omo kwa li a pulwa omapulo kombinga yeuliko lomunambelwa womauyelele nomupedu waye.
She likolelela kuTheofelus, eenghundafana nepangelo novakufimbinga moshikondo shopaumwene natango odi li metifa manga okomitiye yokuninga ehoololo inai twikila nomulandu wokushiivifa omhito yomunambelewa ou nomupedu waye.
“Onghee nee, lididimikeni fiyo omulandu wa manifwa. Ashike elitulemo opo li li.
Oveta oi li ponhele. Omilandu odi li ponhele,” osho a ti ngaho.
Minista okwa fatulula kutya oministeli oya kufa yoo eenghatu opo i kelele omikundu ngee ombelewa ya tameke okulonga.
“Otwa landa oinima ya yooloka ngaashi oyeendifo.
Omunambelewa womauyelele novanailonga ova pumbwa okuendaenda,” osho a ti ngaho.
Ashike nee, okwa londwela kutya omahangano luhapu ihaa longo nawa ngee oinima aishe ya pumbiwa inai ungwaungwa nayo nawa manga oilonga inai tameka.
Omunashipundi wehangano lovanyanyangidi laNamibia, Toivo Ndjebela, okwa pandula oministeli eshi ya kwatela mo oikundaneki meshiivifo loveta pambelewa oyo ye va kuma.
Ashike nee, okwa holola omalimbililo kombinga yomakateko taa twikile ombelewa yomunambelewa womauyelele.
Okatendo komauyelele okwa li ka pitifwa momudo 2022, taka pula kutotwe ombelewa yomunambelewa womauyelele, oo ta kala ta wilike etulomoilonga nokuliufa kokatendo nosho yoo okupotokonona eenamanana.
Natango, minista okwa popya kutya oshinima eshi inashi imba ovanambelewa vokuyandja omauyelele meembelewa depangelo va yandje omauyelele koikundaneki.
Theofelus okwa ti ongominista nomupopiliko wepangelo, ovatoolinghundana luhapu ohave mu dengele tava pula ouyelele kombinga yomayambukepo meeministeli ngee inava mona ouyelele oo va hala keembelewa domondjila, nande oilonga yaye oi na sha ashike noikumungu yoministeli yaye. – NAMPA
The post Epangelo otali kateke okuulika omunambelewa womauyelele appeared first on The Namibian.
