Hamata a fiyapo oPDM
Omunapalimente mukulu Hidipo Amata, okwa fiya po ongudu yoPopular Democratic Movement (PDM). Oshinima eshi okwe shi koleka koThe Namibian onghela. Okwa kala oshilyo shOmutumba wOpashiwana okudja momudo 2020 fiyo 2025 nokwa li yoo omuleli wevava lovanyasha longudu.“Eeno, onda fiya po ongudu. Itandi ka ya moule kombinga yomatomeno ange. Oinima oyo natango oyopaumwene ndee osho nda […] The post Hamata a fiyapo oPDM appeared first on The Namibian.
Black News 
Omunapalimente mukulu Hidipo Amata, okwa fiya po ongudu yoPopular Democratic Movement (PDM).
Oshinima eshi okwe shi koleka koThe Namibian onghela.
Okwa kala oshilyo shOmutumba wOpashiwana okudja momudo 2020 fiyo 2025 nokwa li yoo omuleli wevava lovanyasha longudu.
“Eeno, onda fiya po ongudu.
Itandi ka ya moule kombinga yomatomeno ange. Oinima oyo natango oyopaumwene ndee osho nda hala ya kala ngaho.
Hakeshe shimwe sha pumbwa okuningwa eweelelolo loshiwana ngee ovanhu va i,” osho a ti ngaho.
Kombinga yomafaneko onakwiiwa yaye, Hamata okwa ti Namibia oku na eemhito dihapu kondje yopolitika nota tale nawa kutya ota yuka peni manga e lipaka moilonga oyo i na ongushu.
Natango okwa anya omafeekelo oo taa ti otashi dulika ta waimine ongudu imwe yopolitika.
Hamata okwa pula kutya omolwashike ovanhu ve wete kutya okufiya po ongudu imwe yopolitika otashi ti okuwaimina ikwao.
Okwa ti oshinima shi li ngaho omadilaadilo a xupi.
“Otashi shiva okufiya po ongudu yopolitika ndee natango to twikile nokukufa ombinga meyambulepo lopashiwana wa manguluka,” osho a ti ngaho.
MuSeptemba 2025, oilyo ihapu yongudu yoPDM okwa li ya fiya po ongudu sha landula eshi inai shi endifa nawa momahoololo omudo 2024 naashi ya kanifa omhito yongudu yomilameno yopambelewa, oyo ya ya koIndependent Patriots for Change.
The post Hamata a fiyapo oPDM appeared first on The Namibian.
