Epangelo ola ti moshilongo inamu monika omukifi wekondo nelaka
Oministili younamapya nounaimuna oya ekelashi omapopyo kombinga yomukifi wekondo nelaka. Eshi osha landula engwangwano la etwa komukanda wokoikundaneki wa shangwa koWindhoek Gymnasium High School. Eshi okwa li sha popiwa momukanda wokoikundaneki Etivali, wa shangwa komupopiliko woministili younamapya nounaimuna, Eeshi, Omeva nOmatendululo omadu, Romeo Muyunda. Oministili oya ti eyeleko eli ola landula engwangwano konima oWindhoek Gymnasium […] The post Epangelo ola ti moshilongo inamu monika omukifi wekondo nelaka appeared first on The Namibian.
Black News 
Oministili younamapya nounaimuna oya ekelashi omapopyo kombinga yomukifi wekondo nelaka.
Eshi osha landula engwangwano la etwa komukanda wokoikundaneki wa shangwa koWindhoek Gymnasium High School.
Eshi okwa li sha popiwa momukanda wokoikundaneki Etivali, wa shangwa komupopiliko woministili younamapya nounaimuna, Eeshi, Omeva nOmatendululo omadu, Romeo Muyunda.
Oministili oya ti eyeleko eli ola landula engwangwano konima oWindhoek Gymnasium ya pitifa ouyelele kombinga yomukifi weenyala, eemhadi nokanya oo hau kwata unene ounona, wa didilikwa pofikola.
“Omikifi edi mbali luhapu ohadi ngwangwanekwa shaashi odi na omadina a faafana, ashike oda yooloka filufilu, inadi pumbwa okungwangwanekwa,” oministili tai ti.
Omukifi weenyala, eemhadi nokanya owa sha.
Ohau kwata unene ounona nohatu tandavele okupitila momakwatafano, omukolo, eshikisha ile peenhele pwa li omunhu e u na, oministili osho ya ti ngaho.
Omadidiliko aa kwatela mo oupyu, oipute kokanya noumbulwa keenyala nokeemhadi.
Oministili oya ti omukifi ou owovanhu ndee kau na sha nande ekwatafano la sha noinamwenyo ile noundjolowele woinamwenyo.
Omukifi wekondo nelaka, ohau kwata ashike oinamwenyo.
Ohau tandavele mokati koinamwenyo oyo i na omakondo ngaashi eengobe, oikombo, eedi noingulu, oministili osho ya ti ngaho.
Oya ti omukifi wekondo nelaka otau dulu okudenga eliko neenghono moshikondo shoinamwenyo ndee kau shii omukifi wovanhu nandenande.
The post Epangelo ola ti moshilongo inamu monika omukifi wekondo nelaka appeared first on The Namibian.
