Omalukalwa oonakuningwa oihakanwa yomahepeko inaa tumbulwa mo momutengenekwafaneko
Omutengenekwafaneko oo opo wa shiivifwa momutumba wopashiwana omafiku aa otau pewa oushima eshi wa dopa okutala kombinga yomalukalwa oonakuninga oihakanwa yomahepeko opaukakwashikekookanhu moitopolwahoololo aishe moshilongo. Mekufombinga laye komutengenekwafaneko Etivali, omunapaliamente wongudu yoIndependent Patriots for Change, Lillian Lutuhezi okwa ti Namibia oku na ashike omalukalwa oludi eli ahetatu taa longo, noitopolwahoololo i li ihamano kai na […] The post Omalukalwa oonakuningwa oihakanwa yomahepeko inaa tumbulwa mo momutengenekwafaneko appeared first on The Namibian.
Black News 
Omutengenekwafaneko oo opo wa shiivifwa momutumba wopashiwana omafiku aa otau pewa oushima eshi wa dopa okutala kombinga yomalukalwa oonakuninga oihakanwa yomahepeko opaukakwashikekookanhu moitopolwahoololo aishe moshilongo.
Mekufombinga laye komutengenekwafaneko Etivali, omunapaliamente wongudu yoIndependent Patriots for Change, Lillian Lutuhezi okwa ti Namibia oku na ashike omalukalwa oludi eli ahetatu taa longo, noitopolwahoololo i li ihamano kai na sha nandenande.
“Omutengenekwafaneko ou kau na apa wa holola ngee omalukalwa ape otaa ka tungwa.
Ovakainhu nounona ovo tava hepekwa otava kala peni? Eshi kashi li pauyuki shoo itashi tambulwa ko,” osho a ti ngaho.
Lutuhezi okwa ti eshi ovakainhu paife ve na eendodo dopombada melelo, mwa kwatelwa presidente Netumbo Nandi-Ndaitwah, omupedu presidente Lucia Witbooi, minista woimaliwa Ericah Shafudah naminista wefikopamwe loukakwashikekookanhu nonghalonawa younona Emma Kantema, okwa li pu na etimombwile ngeno kutya oministili otai pewa oshimaliwa shokuungaunga nomahepeko opaukakwashikekookanhu.
Lutuhezi okwa ti kutya ponhele oministili i pewe oshimaliwa sha wana, otai liumbatelwa ya fa “okaana kepangelo kopomunghulo”.
Okwa ti oimaliwa oyo ya pewa oministili inai wana ashike nandenande okuungaunga nomikundu dayo.
“Ovanhu ova pumbwa eameno, ovakainhu ova pumbwa eameno nounona ova pumbwa onakwiiwa,” osho a ti ngaho.
Lutuhezi natango okwa popya kutya moitopolwahoololo ihapu kamu na ovaxungimwenyo, Namibia otaku tiwa oku na ashike omuxungimwenyo umwe mounona ve li 17 923 – osho shi li kokule neenghono nomulandu wopaunyuni oo tau pula omuxungimwenyo umwe mounona ve li 5 000.
Okwa ti oitopolwahoololo ngaashi Omaheke no||Kharas oi na ashike ovaxungimwenyo vavali, osho hashi lolola neenghono.
The post Omalukalwa oonakuningwa oihakanwa yomahepeko inaa tumbulwa mo momutengenekwafaneko appeared first on The Namibian.
