Osha endifa omutima wange – Kuugongelwa-Amadhila
Omunashipundi wOmutumba wOpshiwana Saara Kuugongelwa-Amadhila, okwa pandula oilonga yehangano ledina Ruach Elohim Foundation yokufila oshisho nokwaamena ounona ovo inava halika naavo tava mono oixuna. Eshi kwa li ta popi pefimbo letalelepo keumbo lounona lehangano moSwapmund Etivali, Kuugongelwa-Amadhila okwa ti okwa li a kumwa komutima konima a uda kombinga yehangano eli, unene ngaa kombinga yokapakete kalo […] The post Osha endifa omutima wange – Kuugongelwa-Amadhila appeared first on The Namibian.
Black News 
Omunashipundi wOmutumba wOpshiwana Saara Kuugongelwa-Amadhila, okwa pandula oilonga yehangano ledina Ruach Elohim Foundation yokufila oshisho nokwaamena ounona ovo inava halika naavo tava mono oixuna.
Eshi kwa li ta popi pefimbo letalelepo keumbo lounona lehangano moSwapmund Etivali, Kuugongelwa-Amadhila okwa ti okwa li a kumwa komutima konima a uda kombinga yehangano eli, unene ngaa kombinga yokapakete kalo kokuxupifa ounona, oko haka pitike oomeme va yandje ounona vavo ponhele yoku va ekelashi.
“Eshi nda uda tete oshinima eshi, omutima wange okwa li wa enda,” osho a ti ngaho, ta weda po kutya omulandu wehangano ou li pamwe neitavelo laye mokuyambidida ovanhu ponhele yoku va ekelashi.
Omunashipundi okwa ti okapakete kokuxupifa ounona otaka ulike evatelo la dja monghenda nomokuuda ko, unene ngaa oomeme vashona ovo va taalela omikundu da matutu.
“Otwe va xupifa komikundu didjuu, notwa xupifa ovadali vavo, ovo navo ve li ounona.
Otwe va pa vali omhito okupitila mohole,” osho a ti ngaho.
Kuugongelwa-Amadhila okwa indila Ovanamibia, eengeshefa nomahangano a yambidide oinima yoludi eli oshilongo ashishe, ta ti kutya ehangano eli lomoSwakpmund olo ashike li na okapakete kokuxupifa ounona moshilongo.
Ngoloneya wErongo Natalia |Goagoses, okwa ti oilonga yehangano oi li onghendabala ya fimana i li ominge noinima yopanghalafano ihe shii iwa oyo tai hepeke ovanyasha neefamili.
Okwa ti elongifonai lomalodu noingangamwifi ohali eta oiningwanima ei omo ounona hava ekelwashi ndee ta pandula ehangano eshi la kwashilipaleka kutya “kapu na omwenyo tau ka nifwa.”
|Goagoses natango okwa shiivifa kutya oshikefa shomayambukepo mErongo, osho sha alulwa, osha hala okuyandja omayambidido opashimaliwa kehangano eli.
Natango vali, omuxungimwenyo Catherine du Toit, okwa ti ehangano okwa li la totwa ongehangano la shangifwa longhalonawa, eameno nokufila oshisho ounona koshi yokatendo kefiloshisho neameno lounona.
Okwa fatulula kutya ehangano ohali yandje omayakulo a pumbiwa, exungomwenyo koomeme ve li momateelelo nolukalwa lopakafimbo kounona ovo va ekelwashi naavo tava mono oixuna.
Ehangano ola tameka okulonga ongonhele yeameno momudo 2018, omanga okapakete kokuxupifa ounona ka tulwa po momudo 2020.
Okudja opo, ounona ve dulife po50 ova etwa okupitila mokapakete, omanga ounona ve dulife po100 va pitila mefiloshisho lehangano.
Du Toit okwa ti ounona ve li o-25 ova kufwa po paveta, omanga ve li omuwoi va shuna keefamili davo, vavali ova mona ovadali vopakafimbo.
Ehangano paife ohali file oshisho ounona ve li 24, mwa kwatelwa ovayambididwa ve li omuwoi.
–NAMPA
The post Osha endifa omutima wange – Kuugongelwa-Amadhila appeared first on The Namibian.
