Iikundaneki ya kumagidhwa yilongithe oungomba okuxwepopaleka onkalo

ONGWEDIVA – Omukuluntu gwoshifokundaneki shoNew Helvy Shaanika okwa kumagidha iifokundaneki opo yi  longithe omakwatathano gopaungomba okumona oompito dhiilonga okuhwepopaleka oonkalo dhaNamibia. 

Shaanika okwa popi ngaaka komauliko gomakwatathano gopaungomba omatimugoyi ga ningilwa mOngwediva, ngoka ga hulu Etitano. 

Shaanika okwa ti iikundaneki nayi iitulemo mokulongitha omakwatathano shi vulithe okulopota ashike, okukwatathana naanamapangelo, aanangeshefa osho wo oshigwana. 

“Ethimbo lyongaashingeyi olyopaungomba onkene iikundaneki oyi na okukakwatakaneka kumwe epangelo aanashefa osho wo oshigwana,” ta ti ngaa. 

Ta ti, iikundaneki nayi patulile ondjila opo ku vulwe okuetwa omalunduluko. 

Okwa ti ikundaneki ngaashi ooradio niifokundaneki onkene tayi dhana onkandangala mokuandjaneka uuyelele osho wo okugandja ewi lyaamboka taya nyengwa. 

“Nonando ongaaka omakwatathano gopaungomba ohaga taandelitha mbala uuyelele,” Shaanika ta ti ngaaka. 

Minista gwomauyelele nomakwatathano gopaungomba Emma Theofilus momushangwa gwe okwa kumagidha aanyasha ya longithe omalungula nawa ihe haku andjaneka shoka inaashi uka. 

“Ka le ni uupathi naashoka ta mu andjaneke komalungula, omalungula ihaga dhimbwa onkene kotokeni,” ta kumagidha ngaaka. 

Theofilus natango okwa tseyitha wo kutya epangelo ota li ya po  nomikalo goku kondolola shoka tashi ithanwa AI. 

Onkulungu osho wo omunongononi mokulongitha AI Mbangula Lameck Amugongo okwa ti iilonga tayi longwa koAI iiwanawa oshoka otayi kwathele aaniilonga osho wo aalongwa kiiputudhilo yopombanda. 

“Shoka shina oshilonga okulongitha ashike AI momukalo omwaanawa nashi shina okulongithwa,” ta ti ngaaka. 

-vkaapanda@nepc.com.na 

The post Iikundaneki ya kumagidhwa yilongithe oungomba okuxwepopaleka onkalo appeared first on New Era.