Ngee i li pombada Ongongo, eshi i li pedu Ongongola
Omupedu presidente Lucia Witbooi, okwa ti oshivilo shOmaongo kashi shii ashike etyapulo, ashike edidiliko loukumwe, oukwatya nekwatelepo leenghedi doshilongo. Oshivilo osho sha teelelika shi ka kale ko momafiku 23 Mei kOnamega moshitopolwahoololo shaMusati, otashi lalakanene okutyapula Omaongo. Eshi kwa li ta popi pouvalelo wowina mOvenduka Olomakaya konguloshi, Witbooi okwa ti kutya oshivilo eshi engudumano olo […] The post Ngee i li pombada Ongongo, eshi i li pedu Ongongola appeared first on The Namibian.
Black News 
Omupedu presidente Lucia Witbooi, okwa ti oshivilo shOmaongo kashi shii ashike etyapulo, ashike edidiliko loukumwe, oukwatya nekwatelepo leenghedi doshilongo.
Oshivilo osho sha teelelika shi ka kale ko momafiku 23 Mei kOnamega moshitopolwahoololo shaMusati, otashi lalakanene okutyapula Omaongo.
Eshi kwa li ta popi pouvalelo wowina mOvenduka Olomakaya konguloshi, Witbooi okwa ti kutya oshivilo eshi engudumano olo tali amene ondjokonona, oukwatya, eenghedi nelongekumwe lopashiwana.
“Engudumano olo tali tu dimbulukifa kutya eenghono dopashiwana itadi vixwa ashike kounene weliko lasho.
Oshivilo shOmaongo osha fimana unene momifyuululwakalo dovanhu vetu,” osho a ti ngaho.
Witbooi okwa ti efimano loshivilo eshi kali shii ashike okunwa, shaashi ohashi holola yoo eenghedi doshiwana, elongekido loikulya nefimaneko lovakulunhu.
Okwa weda po kutya ohashi yandje yoo ounongo okudja kepupi lonhumba okuya kepupi likwao.
Momudo 2015, okuninga Omaongo okwa li kwa tambulwa ko paunyuni kehangano ledina United Nations Educational, Scientifif and Cultural Organization ongoshinima sha fimana momufyuululwakalo wovanhu.
She likolelela kuWitbooi, etambuleko lOmaongo paunyuni kakwa li ashike etumba loshiwa shimwe ile oshitopolwahoololo, ashike okwa li loshilongo ashishe.
Okwa ti etambuleko ola koleka kutya oshiwana osha kaleka po eenghedi odo hadi vatele ovanhu okupitila melitulemo lomufyuululwakalo tali twikile.
Witbooi okwa indila opo oshivilo eshi shi kale alushe omhito yehongo lopamufyuululwakalo noukumwe wopashiwana.
Okwa indila ovaleli vopamifyuululwakalo, oshikondo shopaumwene, omahangano epangelo, ovakufimbinga meyambukepo noiwana aishe opo i kale nokuyambidida oivilo yoludi eli okupitila meenghendabala di liwetikile ponhele ashike yomaudaneko ongaho.
The post Ngee i li pombada Ongongo, eshi i li pedu Ongongola appeared first on The Namibian.
