Amushelelo a sindana oshipotha shetulo miipandeko shaali paveta
Aanandjungu Michael Amushelelo naDimbulukeni Nauyoma oya li menyanyu uunambo sho ya sindana mompangu oshipotha shoka kwa li ya tulilemo epangelo ano minista guuyuuki nepopilo lyoshigwana, ondjayi yetanga lyopolisi osho wo omutamanekindjayi mekwatathano noshiningwanima sho kwa li ya kwatwa po nokupatelwa mo, muMaalitsa gwo2023. Mesindano ndyoka, Ompangu yoPombanda yaVenduka mEtitatu oya gandja elombwelo opo epangelo li […] The post Amushelelo a sindana oshipotha shetulo miipandeko shaali paveta appeared first on The Namibian.
Black News 
Aanandjungu Michael Amushelelo naDimbulukeni Nauyoma oya li menyanyu uunambo sho ya sindana mompangu oshipotha shoka kwa li ya tulilemo epangelo ano minista guuyuuki nepopilo lyoshigwana, ondjayi yetanga lyopolisi osho wo omutamanekindjayi mekwatathano noshiningwanima sho kwa li ya kwatwa po nokupatelwa mo, muMaalitsa gwo2023.
Mesindano ndyoka, Ompangu yoPombanda yaVenduka mEtitatu oya gandja elombwelo opo epangelo li fute Amushelelo ooN$300 000 omanga Nauyoma ota ka futwa ooN$80 000, metokolo lya ningwa komupanguli ta kwathele Natasha Bassingthwaighte.
Amushelelo naNauyoma okwa li ya fala kompangu ondjayi yetanga lyopolisi osho wo omutamanekindjayi taya pula ofuto sha landula sho ompangu muKotoba 2023, ye ekelehi omatamaneko kwa li ya taalela molwashoka inaya monika ondjo.
Amushelelo okwa li a pula ompangu a futwe oomiliyona N$6, omanga Nauyoma okwa li a pula ofuto yoomiliyona N$4. Moshipotha shepulo lyofuto, oya popi kutya oya kwatwa po shaali paveta mOvenduka nokutulwa mondholongo konima sho opolisi ye ya indike kaaya ninge ehololomadhiladhilo kombinga yonkalo yokwaana iilonga moNamibia sha ningwa momasiku 21 gaMaalitsa 2023.
Okuza poshiningwanima shoka, Amushelelo okwa dhengwa mongali moka a kala uule woomwedhi heyali omanga Nauyoma okwa kala mo uule wiiwike iyali.
Aanandjungu mboka yaali okwa li taya tamanekelwa iilonga yuuhwapindi moshigwana, eyonagulo lyomaliko osho wo okuhwahwameka uuhwapindi moshigwana.
Miihokolola yomatamaneko ga tumbulwa pombanda, Ompangu yaMangestrata gwaVenduka moKatutura muKotoba 2023 oya ningi etokolo kutya Amushelelo naNauyoma kaye na ondjo nonkene kaya li ye na okutulwa miipandeko nokupatelwamo.
Kakele kuAmushelelo naNauyoma, oshilyo shongundu yo-Popular Democratic Movement megumbo lyopashigwana Inna Hengari naye okwa li a tulwa mondholongo, pethimbo naye kwa li ta yambidhidha ehololomadhiladhilo ndyoka lyonkalo yokwaana iilonga moshilongo.
Ashike lwanima Hengari, okwa mangululwa mbala sho iipotha mbyoka kwa li ta tamenekelwa ye ekelwahi – sha ningwa nokuli omanga iihokola yaAmushelelo naNauyoma inaayi tamekwa.
Kakele kofuto ndjoka, omupanguli Bassingthwaighte okwa gandja wo elombwelo opo epangelo li fute iifuta yopaveta mbyoka ya longithwa moshipotha shoka kuAmushelelo naNauyoma.
Aanandjungu mboka yaali okwa li ya kalelwa po kuhahende gwawo, Kadhila Amoomo.
The post Amushelelo a sindana oshipotha shetulo miipandeko shaali paveta appeared first on The Namibian.
