Namdia a ulika ovalandi vape vokawe

Ehangano olo hali ungaunga nokawe moshilongo ledina Namib Desert Diamonds (Namdia) onghela ola shiivifa omusholondodo wovalandi vokawe vape, u na omahangano e li 32 oo taa kala taa lande okawe kaNamibia momudo 2026/27 fiyo 2028/2029.

Omahangano e li 75 moshilongo, Belgium, United Arab Emirates (UAE), India, Hong Kong, Israel, Singapore, United States, Armenia naZimbabwe aa ninga omaindilo, osho la ti ngaho momukanda wokoikundaneki.

“Sha landula omakonakono opamufika, omahangano e li 32 aa tofwa mo a ninge ovalandi vape vokawe kaNamdia oule womido nhatu tadi ya,” omukanda osho wa ti ngaho.

Omahangano oo a dja mo moshihoololifo omwa kwatelwa atano aNamibia, Avalon Diamonds Namibia, Fine Star Jewellery and Diamonds Namibia, Gayane Trading, Sinco Investments noStargems Manufacturing Namibia.

Akwao aa dja koBelgium, India noUAE.

Omukanda owa ti omwaalu uhapu wovaningi vomaindilo otau holola ongushu yokawe kaNamibia mounyuni.

“Namdia ota halele omayambeko aveshe ovo va dja mo momahoololo nokwe lineekela ota ka tunga elongelokumwe la pama navo, elongo lopauyelele nomauwa aaveshe moule womhido nhatu tadi ya,” osho a ti ngaho.

Ehangano ola ti natango ole litula mo mokuwedela ongushu yokawe kaNamibia okupitila mongeshefa nomewiliko liwa.

-NAMPA

The post Namdia a ulika ovalandi vape vokawe appeared first on The Namibian.