Omulumenhu a nukila mefuta koSwakopmund
Ongudu yokahada otai kongo okaana komati konima vati ke liumbila momeva kondjete koSwakopmund Etivali. Marthin Muyenda wokehangano lokuxupifa eemwenyo ledina Monarch Lifeguard, oo naye e li umwe womwaavo ve li moshikonga eshi, okwa koleka kutya okahada oka tameka Etivali. Inspekita Hilma Shomongula wokopolifi yokErongo okwa ti oshininingwanima osha ningwa lwopotundi 15h00 Etivali. “Otaku tiwa vati […] The post Omulumenhu a nukila mefuta koSwakopmund appeared first on The Namibian.
Black News 
Ongudu yokahada otai kongo okaana komati konima vati ke liumbila momeva kondjete koSwakopmund Etivali.
Marthin Muyenda wokehangano lokuxupifa eemwenyo ledina Monarch Lifeguard, oo naye e li umwe womwaavo ve li moshikonga eshi, okwa koleka kutya okahada oka tameka Etivali.
Inspekita Hilma Shomongula wokopolifi yokErongo okwa ti oshininingwanima osha ningwa lwopotundi 15h00 Etivali.
“Otaku tiwa vati omulumenhu, e na omido di li 17 ile 18, okwa nukila mefuta kondjete yaSwakopmund. Opolifi oya nyamukula kouyelele oo ya pewa ndee eshi ya fika, nakumona oshinima eshi okwa li a pulwaapulwa,” Shomongula ta ti.
Shomongula okwa ti ombangi oya ti oya popifa omunhu oo a li kondjete ndee tai ti omulaula koshipa, a djala ombulukweva yembudu yofikola, ondjakete yembudu nokandjoto kopombuda.
“Konima yokafimbo, okwa uda vati omunhu ta ingida kutya omulumenhu okwa nukila mefuta. Okwe mu tala nee te liyolifa yee te limemesha manga ina ningina ko,” osho a ti ngaho.
Okandjato ke na okakende koshikundu nokaraadio okwa li ka hangika ponhele opo pa ningilwa oshiningwanima eshi.
Inamu hangika nande oufemba wa sha. Natango omunhu ou ke shiivike.
Opolifi otai indile ofamili oyo ya kanifa omulumenhu woukwatya wa tya ngaha opo i dengele diva opolifi yaSwakopmund ile oshitaashi shopolifi shi li popepi.
Omakonakono opolifi otaa twikile.
The post Omulumenhu a nukila mefuta koSwakopmund appeared first on The Namibian.
