Steenkamp ota pula oshimaliwa shomaunghulungu shi tukulwe pauyuki
Minista wehongo, omaduto oinima ipe, ovanyasha, omaudano, omaunghulungu nomifyuululwakalo, Sanet Steenkamp okwa ti elongolopauyelele mokuwilika oshimaliwa shoinima ya nyika omaunghulungu ola fimana neenghono. Eshi osha pumbiwa mokukwashilipaleka ouyuki neyambidido liwa loshikondo shomaunghulungu moshilongo. Oshinima eshi Steenkamp okwe shi popya pefimbo letalelepo loNational Arts Council of Namibia mOvenduka Olomakaya, oko oilyo oyo opo ya ulikwa kwa […] The post Steenkamp ota pula oshimaliwa shomaunghulungu shi tukulwe pauyuki appeared first on The Namibian.
Black News 
Minista wehongo, omaduto oinima ipe, ovanyasha, omaudano, omaunghulungu nomifyuululwakalo, Sanet Steenkamp okwa ti elongolopauyelele mokuwilika oshimaliwa shoinima ya nyika omaunghulungu ola fimana neenghono.
Eshi osha pumbiwa mokukwashilipaleka ouyuki neyambidido liwa loshikondo shomaunghulungu moshilongo.
Oshinima eshi Steenkamp okwe shi popya pefimbo letalelepo loNational Arts Council of Namibia mOvenduka Olomakaya, oko oilyo oyo opo ya ulikwa kwa li ya pewa oshinakuwanifa shokuwilika nghee oimaliwa ei tai topolwa.
Okwa ti omaliko naa topolwe “momukalo wopauyelele, u fike pamwe nou li pamufika uwa”.
Minista okwa ti ewilikongudu oli na oshinakuwanifa sha fimana mokuwilika oshikefa shoshimaliwa shomaunghulungu shopashiwana nokukwashilipaleka kutya oimaliwa oya hanga ovashikingalo aveshe moshilongo.
Steenkamp okwa ti onguduwiliki nai kwashilipaleke kutya eemhito oda hanga ovashikingalo vomeedoolopa nokoitopolwa yokomikunda.
Oilonga yewilikongudu kai shii ashike yokuwilika oshimaliwa ashike oya kwatela mo yoo okuyandja omilandu nokuxwaxwameka ekwatelemo moshikondo, osho a ti ngaho.
“Oikondo younghulungu nomifyuululwakalo otai ende tai fimanekwa neenghono, ndee kashi shii ashike oshikondo shokuyandja omaliudo nokuulika ounongo, ashike osha fimana yoo mokukwatela komesho eliko, omaduto oinima ipe noinima yopanghalafano,” Osho a ti ngaho.
Minista okwa indila oilyo i yakule oshiwana noushili noneendunge, ta ti omatokolo avo otaa yukililifa onakwiwa yeliko okudja moshikondo eshi.
The post Steenkamp ota pula oshimaliwa shomaunghulungu shi tukulwe pauyuki appeared first on The Namibian.
