Shinga noukeka u xupife eemwenyo
Ehangano lokuungaunga neepata ledina Road Authority (RA) ola ti ola nyematekwa neenghono nokulimbililikwa komwaalu woiponga yomeendjila ya didilikwa mexuliloshivike. Omukulunhuwiliki wehangano Mbahupu Tjivikua, momukanda wokoikundaneki wa shangwa Oshoondaxa okwa ti oiponga, oyo ya didilikwa okudja petameko lexuliloshivike, mefiku lotete fiyo 04 Mei, oya twaalela eemwenyo dovanhu vahapu noya fiya eefamili noshiwana tashi lili neenghono. “Keshe […] The post Shinga noukeka u xupife eemwenyo appeared first on The Namibian.
Black News 
Ehangano lokuungaunga neepata ledina Road Authority (RA) ola ti ola nyematekwa neenghono nokulimbililikwa komwaalu woiponga yomeendjila ya didilikwa mexuliloshivike.
Omukulunhuwiliki wehangano Mbahupu Tjivikua, momukanda wokoikundaneki wa shangwa Oshoondaxa okwa ti oiponga, oyo ya didilikwa okudja petameko lexuliloshivike, mefiku lotete fiyo 04 Mei, oya twaalela eemwenyo dovanhu vahapu noya fiya eefamili noshiwana tashi lili neenghono.
“Keshe omwenyo wa kanena meepate detu owa kuma vahapu, nehangano oli udite oudjuu nenyeme moilwoiponga ei,” osho a ti ngaho.
Tjivikua okwa indila ovashingi voyeendifo opo va shinge noukeka ndee tave livangeke okushinga nouhasha meepate opo va kelele ekanifo leemwenyo.
“Exuliloshivike eli inai twikila vali noiponga tai dulu okukelelwa.
Ohatu indile keshe umwe opo a ninge etokolo lomondjila, a shinge nawa ndee te livangeke okushinga nouhasha aamene omwenyo waye nodavakwao mondjila,” osho a ti ngaho.
Okwa indila ovashingi ve liufe komadidiliko neemhango domeendjila, vaha shineyele opo komesho vehe wete ko nokushinga ve Ii koshi yodungo ile yoingangamwifi.
Tjivikua okwa ti ehangano natango ole litula mo mokuxwepopeka eameno lomeendjila nokuninipika oiponga tai dulu okukelelwa palongelokumwe nomahangano okukwatela po oveta, oministili yoilonga noyeendifo novakufimbinga vakwao.
The post Shinga noukeka u xupife eemwenyo appeared first on The Namibian.
